पिंपरी-चिंचवड पोलिस आयुक्तालयात पोलिस निरीक्षक व सहायक निरीक्षकांच्या बदल्या Transfers of Police Inspectors and Assistant Inspectors in Pimpri-Chinchwad Police Commissionerate

पिंपरी-चिंचवड पोलिस आयुक्तालयाअंतर्गत तीन पोलिस निरीक्षक आणि चार सहायक निरीक्षकांच्या बदल्या झाल्या. प्रशासकीय कारणांमुळे मंगळवारी (दि. २८) या बदल्यांचे आदेश देण्यात आले.

देहूरोड पोलिस ठाण्याचे वरिष्ठ पोलिस निरीक्षक विजय वाघमारे यांची वाहतूक शाखेत बदली करण्यात आली आहे. पोलिस निरीक्षक विक्रम बनसोडे यांची काळेवाडी पोलिस ठाणे येथून देहूरोड पोलिस ठाण्याचे वरिष्ठ पोलिस निरीक्षक म्हणून बदली करण्यात आली. पोलिस निरीक्षक सचिन शिर्के यांची भोसरी पोलिस ठाण्याहून काळेवाडी पोलिस ठाण्यात बदली झाली.

तसंच, सहायक पोलिस निरीक्षक अशोक डोंगरे (पिंपरी पोलिस ठाणे ते बावधन पोलिस ठाणे), राकेश भामरे (दिघी पोलिस ठाणे ते विशेष शाखा), विजयकुमार धुमाळ (बावधन पोलिस ठाणे ते नियंत्रण कक्ष), आणि अंबरीश देशमुख (निगडी पोलिस ठाणे ते बावधन पोलिस ठाणे) यांची बदल्या करण्यात आली आहेत.

तसेच, पिंपरी-चिंचवड पोलिस आयुक्तालयात नव्याने हजर झालेल्या पोलिस उपनिरीक्षक प्रमोद चिंतामणी यांची आर्थिक गुन्हे शाखेत नेमणूक करण्यात आली आहे.