Young Man Assaulted and Threatened After Asking Trainer for Workout Guidance at Gym जिममध्ये वर्कआउटविषयी विचारण्यासाठी गेलेल्या तरुणावर मारहाण; धमकी दिली
मंगळवारी (दि. २८) सकाळी पावणेदहाच्या सुमारास सुस रोडवरील स्टुडिओ व्हेलो सिटी जिममध्ये एक गंभीर घटना घडली. जिममध्ये ट्रेनरकडून पुढील वर्कआउटविषयक मार्गदर्शन मागण्यासाठी गेलेल्या तरुणावर हल्ला करण्यात आला. या हल्ल्यात मारहाण करण्यासह जिवे मारण्याची धमकी देण्यात आली.
राजन जंग सोनी (वय ३३, रा. सुसगाव, मुळशी) यांनी या प्रकरणी बावधन पोलिस ठाण्यात फिर्याद दिली असून, त्यानुसार पोलिसांनी उमेश सुदाम साळेगावकर (वय ३९) याच्या विरोधात गुन्हा दाखल केला आहे.
पोलिसांच्या माहितीनुसार, फिर्यादी राजन सोनी हे जिममध्ये व्यायाम करत असताना पुढील वर्कआउटविषयक मार्गदर्शन घेण्यासाठी ट्रेनरकडे गेले. त्या वेळी तिथे उपस्थित असलेल्या उमेश साळेगावकर यांनी राजन सोनी यांना कोणतेही कारण न दाखवता मारहाण केली.
