Alert! Call Forwarding Scam Targets Pimpri-Chinchwad — Police Issue Cybercrime Advisory सावधान! कॉल फॉरवर्डिंग स्कॅममुळे पिंपरी चिंचवडमध्ये नागरिकांची आर्थिक फसवणूक
Alert! Call Forwarding Scam Targets Pimpri-Chinchwad — Police Issue Cybercrime Advisory सावधान! कॉल फॉरवर्डिंग स्कॅममुळे पिंपरी चिंचवडमध्ये नागरिकांची आर्थिक फसवणूक
पिंपरी चिंचवड पोलिसांच्या सायबर सेलने आज नागरिकांसाठी महत्त्वाची सूचना जारी केली आहे. शहरात ‘कॉल फॉरवर्डिंग स्कॅम’ मोठ्या प्रमाणात वाढला असून काही नागरिकांची लाखो रुपयांची फसवणूक झाली आहे. सायबर गुन्हेगार फोनवरुन आपल्याला एक विशेष क्रमांक डायल करण्यास सांगतात. हे केल्यावर तुमच्या फोनवरील OTP, बँक संदेश, कॉल्स या सर्वांची माहिती गुन्हेगारांना मिळू शकते. काही बँक, टेलिकॉम किंवा ऑफरच्या नावाखाली हे फसवणूक करणारे कॉल येतात.
स्कॅमची पद्धत आणि पोलिसांचे इशारे
गुन्हेगार प्रामुख्याने नागरिकांना “आपला सिम अपडेट करा,” “बँकेचा ऑफर मिळवा” किंवा “फोनमध्ये नवीन सेटिंग आणा” असे सांगून एक कोड डायल करायला सांगतात. एकदा नागरिकांनी कोड डायल केला की, फोनवरील सर्व माहिती गुन्हेगारांकडे फॉरवर्ड होते आणि ते OTP/बँक माहितीसह आर्थिक व्यवहार संपवतात. पोलिसांनी नागरिकांना अशा कोणत्याही कॉल्सकडे दुर्लक्ष करण्याचा सल्ला दिला आहे.
फसवणूक झाल्यास काय करावे?
- प्रथम १ तास ‘सुवर्णक्षण’ मानला जातो! तातडीने 1930 हेल्पलाइन किंवा www.cybercrime.gov.in वर तक्रार नोंदवा.
- जितक्या लवकर कळविले तितक्या लवकर बँकेस पैसे परत मिळण्याची शक्यता असते.
- फसवणूक झाल्यावर कुटुंब, मित्र किंवा सोशल मीडियावर माहिती शेअर न करता थेट पोलिसांशी संपर्क साधा.
पोलिसांची जनजागृती
सायबर गुन्ह्यांच्या वाढत्या प्रमाणामुळे पोलिसांनी ‘सायबर सुरक्षित दिवाळी’ अभियान सुरू केले आहे. सोशल मीडिया, शाळा, कॉलेज, हाउसिंग सोसायटी याठिकाणी जनजागृती सत्र घेतली जात आहेत. DCP डॉ. शिवाजी पवार यांनी सांगितले, “कोणत्याही अज्ञात कोड किंवा ऑफरवर क्लिक करू नका. सत्यता तपासा आणि प्रलोभनांना बळी पडू नका.”
