प्रदूषणाची कारणे

• दिवाळी काळात फटाके फोडल्याने क्षेत्रातील AQI 50–100 ने वाढला.
• मेट्रो व इन्फ्रास्ट्रक्चरचे काम, सततची बांधकामे आणि वाहनांच्या वाहतुकीमुळे धूळकण वाढले.
• वाकड, हिंजवडी, चोविसवाडी, मोशी परिसरात घरांवर आणि रस्त्यांवर पातळ धूळं बसते आहे.
• IITM आणि MPCBच्या अधिकाऱ्यांनी सांगितले, “PM 2.5 आणि PM 10 कण सर्व मान्यतेच्या मर्यादेपेक्षा वाढले आहेत.”

आरोग्यावर परिणाम
आरोग्यतज्ज्ञांचे म्हणणे आहे की, धूळ व प्रदूषणामुळे लहान मुलं, वृद्ध आणि दमा व सांस रोग असणाऱ्या व्यक्तिंना गंभीर फुप्फुसाचे धोके उद्भवू शकतात. नागरिकांनी शक्यतो घरात राहावे, बाहेर पडताना मास्क वापरावा आणि श्वसनासंबंधी त्रास आल्यास त्वरित डॉक्टरांचा सल्ला घ्यावा.​

प्रशासनाची प्रतिक्रिया
महानगरपालिकेने वाहन, बांधकाम आणि औद्योगिक क्षेत्रातील प्रदूषण कमी करण्यासाठी उपायांची घोषणा केली आहे. नवीन एअर क्वालिटी मॉनिटरिंग स्टेशन चिखली आणि कसारवाडी येथे लवकरच उभारण्यात येणार आहेत. नागरिकांनी सार्वजनिक भागात कमी वेळ घालवण्याचा सल्ला दिला आहे.​

The post After Diwali, Record Air Pollution in Wakad and Hinjawadi — Residents Voice Health Concerns वाकड, हिंजवडी परिसरात दिवाळीनंतर वायूप्रदूषणात विक्रमी वाढ — नागरीकांना आरोग्याची चिंता appeared first on Pimpri Chinchwad local news portal.

औंध भागात वाहतूक कोंडी 🚗🚙 वाढल्याने पीएमपीच्या नियोजित फेऱ्या पूर्ण होणे कठीण झाले होते, त्यामुळे प्रवाशांना बससाठी बराच वेळ वाट पाहावी लागत होती ⏱️. या समस्येचा विचार करून पीएमपीएमएलने जादा बसेस 🚌 सोडल्या, परंतु वाहतूक कोंडीमुळे प्रवाशांना अजूनही अडचणी येत होत्या.

या परिस्थितीवर उपाय म्हणून औंध जकात नाका येथील जागेचा वापर करून बस स्थानक 🚏 विकसित करण्यात आले आहे. हे स्थानक १ एप्रिल (मंगळवार) पासून प्रवाशांच्या सेवेत आहे 🚀.

या नवीन बसमार्गांमुळे औंध परिसरातून पुणे आणि पिंपरी-चिंचवड शहरांतील प्रवाशांना अधिक सोयीस्कर प्रवास अनुभवता येईल 🛣️.

The post Three New PMP Bus Routes Started from Aundh 🚍 औंध येथून तीन नवीन पीएमपी बसमार्ग सुरू 🚏 appeared first on Pimpri Chinchwad local news portal.

पोलिसांनी दिलेल्या माहितीनुसार, या टेम्पो ट्रॅव्हलरचा चालक, जनार्दन हंबर्डीकर, याचे कंपनीतील काही कर्मचाऱ्यांशी वाद होते. त्याला वेळेवर पगार मिळत नव्हता आणि इतर कामांचाही त्याच्यावर बोजा होता. याच रागातून त्याने एक लिटर बेन्झीन आणून आपल्या सीटखाली ठेवले आणि कापडाच्या चिंद्यांच्या मदतीने आग लावली, असा धक्कादायक खुलासा पोलीस तपासात झाला आहे. या आगीत बसमधील चार कर्मचारी बाहेर पडू न शकल्याने होरपळून मरण पावले.

या घटनेनंतर पोलिसांनी कसून तपास केला. तपासादरम्यान, चालकाने कबूल केले की त्याचे कंपनीतील चार ते पाच जणांवर वैयक्तिक राग होता. दिवाळीत त्याचा पगार कापला गेला होता आणि काही सहकारी त्याला नेहमी त्रास देत होते, मजुरासारखी वागणूक देत होते. याच सूडभावनेतून त्याने हे कृत्य केल्याचे त्याने पोलिसांना सांगितले.

सध्या आरोपी चालक जखमी असून त्याच्यावर रुग्णालयात उपचार सुरू आहेत. पोलीस त्याला ताब्यात घेण्याची प्रक्रिया करत आहेत आणि या घटनेचा अधिक तपास करत आहेत. या घटनेमुळे परिसरात मोठी खळबळ माजली असून निष्पाप लोकांच्या मृत्यूबद्दल हळहळ व्यक्त केली जात आहे.

The post Hinjewadi Bus Fire: Shocking Plot by Driver Kills Four हिंजवडी बस आग: चालकाचा धक्कादायक कट, चौघांचा बळी appeared first on Pimpri Chinchwad local news portal.

मिळालेल्या माहितीनुसार, ही घटना पिंपरी चिंचवड भागातील हिंजवडी येथे द असॉल्ट सिस्टीम्स (Dassault Systemes) कंपनीजवळ घडली. कर्मचाऱ्यांची वाहतूक करणारी टेम्पो ट्रॅव्हलर/मिनीबस गाडी खासगी कंपनीच्या कर्मचाऱ्यांना त्यांच्या कार्यालयात घेऊन जात होती.

हिंजवडी पोलीस स्टेशनचे वरिष्ठ पोलीस निरीक्षक कन्हैया थोरात यांनी सांगितले की, ही घटना सकाळी सुमारे ७:३० वाजता घडली. गाडीमध्ये १२ किंवा १५ कर्मचारी प्रवास करत होते. जेव्हा गाडी द असॉल्ट सिस्टीम्सजवळ पोहोचली, तेव्हा चालकाच्या पायाजवळून आगीचा भडका उडाला. आग वेगाने गाडीच्या पुढील बाजूस पसरल्याने चालकाने तात्काळ गाडी थांबवण्याचा प्रयत्न केला.

हिंजवडीचे उपायुक्त पोलीस विशाल गायकवाड यांनी सांगितले की, काही कर्मचारी गाडीतून बाहेर पडण्यात यशस्वी झाले, परंतु चार कर्मचारी वेळेत बाहेर पडू शकले नाहीत आणि आगीत होरपळून त्यांचा दुर्दैवी मृत्यू झाला. मिनीबसच्या मागील बाजूस असलेला इमर्जन्सी एक्झिट (Emergency Exit) दरवाजा उघडला न गेल्याने हे मोठे नुकसान झाले. हे कर्मचारी गाडीच्या मधल्या आणि मागच्या सीटवर बसलेले होते आणि त्यांना बाहेर पडण्यासाठी पुरेसा वेळ मिळाला नाही.

बसमध्ये प्रवास करत असलेले कर्मचारी व्योमा ग्राफिक्स (Vyoma Graphics) या खासगी कंपनीचे होते आणि ते वारजे (Warje) येथून हिंजवडी येथील कार्यालयात जात होते.

घटनेची माहिती मिळताच अग्निशमन दलाच्या गाड्या आणि पोलीस तात्काळ घटनास्थळी दाखल झाले आणि त्यांनी आग विझवण्याचे काम सुरू केले. जखमी प्रवाशांना तातडीने रुग्णालयात उपचारासाठी दाखल करण्यात आले आहे. रूबी हॉल क्लिनिक, हिंजवडी येथे सहा रुग्णांना उपचारासाठी दाखल करण्यात आले आहे, ज्यापैकी दोन व्यक्ती ४०% पेक्षा जास्त भाजल्यामुळे गंभीर स्थितीत आहेत, एकाला २०% आणि दुसऱ्याला ५% भाजले आहे आणि एक रुग्ण बेशुद्ध आहे. दुर्दैवाने, पाच जणांना घटनास्थळीच मृत घोषित करण्यात आले.

पोलिसांनी या दुर्दैवी घटनेच्या कारणांचा कसून तपास सुरू केला आहे. प्राथमिक तपासात शॉर्ट सर्किटमुळे आग लागली असावी असा अंदाज व्यक्त केला जात आहे. पिंपरी चिंचवड प्रादेशिक परिवहन अधिकारी संदेश चव्हाण यांनी सांगितले की, प्रथमदर्शनी शॉर्ट सर्किट हे आगीचे कारण दिसत आहे.

व्योमा ग्राफिक्सचे मालक नितेश शाह, जे जखमी रुग्णांसोबत रूबी हॉल क्लिनिकमध्ये उपस्थित होते, त्यांनी सांगितले की, त्यांची पहिली प्राथमिकता जखमी कर्मचाऱ्यांवर योग्य वैद्यकीय उपचार करणे आहे.

या हृदयद्रावक घटनेमुळे हिंजवडी परिसरात शोककळा पसरली आहे. पोलीस या घटनेची अधिक माहिती मिळवण्याचा प्रयत्न करत आहेत. पुढील तपास सुरू आहे.

The post Commute Turns Deadly: Four Office-Goers Killed in Vehicle Fire Near Dassault Systemes in Hinjewadi hinjewadi हिंजवडीत द असॉल्ट सिस्टीम्सजवळ दुर्घटना: गाडीला आग लागून ४ ऑफिस कर्मचाऱ्यांचा मृत्यू appeared first on Pimpri Chinchwad local news portal.

उत्सवाची सुरूवात भल्या पहाटे देवीला विधिवत अभिषेक घालून करण्यात आली. श्रंगार आणि देवीचे पारंपरिक आभूषण घालून पूजा केली गेली. त्यानंतर, स्थानिक भजनी मंडळाने हरिपाठ आणि भजन सेवा केली. सायंकाळी, श्री.क्षेत्र आळंदी येथील हभप दिगंबर महाराज नरवडे यांच्या मार्गदर्शनाखाली कीर्तनाचा कार्यक्रम पार पडला.

रात्री भव्य महाप्रसादाचे आयोजन करण्यात आले, आणि अखंड हरिनाम सप्ताह सुरू करण्यात आला. यावेळी, भजनी मंडळाच्या भजन आणि प्रवचन कार्यक्रमाने परिसर भरून गेला होता.

आयटी पार्क परिसरातील भाविक आणि स्थानिक नागरिक यावेळी उत्साहाने सहभागी झाले होते. हि एकत्रित सणांची उत्सवधर्मी माहौल तयार झाला, ज्यात आयटीयन्ससह गावातील नागरिकही सहभागी झाले.

स्मरणीय बाब म्हणजे, हिंदू धर्माच्या परंपरांना जपताना बोडकेवाडी गावाने आधुनिकतेच्या सहवासात परंपरेला आणि उत्सवांना जागा दिली आहे. माजी सरपंच आणि विद्यमान ग्रामपंचायत सदस्य रवि बोडके म्हणाले की, “गावात नवरात्र उत्सव, पौष पौर्णिमा आणि मंदिराचा वर्धापनदिन हे सर्व कार्यक्रम मोठ्या उत्साहाने साजरे केले जातात. गावातील नागरिक त्यांची परंपरा जपून आधुनिकतेला सामोरे जात आहेत.”

The post Hinjewadi’s Kalubai Mata Temple Hosts Spiritual Programs for Annual Anniversary हिंजवडीत काळूबाई माता मंदिराचा सातवा वर्धापनदिन उत्साहात साजरा appeared first on Pimpri Chinchwad local news portal.

हे मोर्चे वाकड-ताथवडे हाउसिंग सोसायटीज फोरम यांच्या नेतृत्वाखाली आयोजित करण्यात आले. सुमारे २० सोसायट्यांतील एक हजाराहून अधिक नागरिक हवेतील प्रदूषणाविरोधात आणि शुद्ध व निरोगी पर्यावरणासाठी एकत्र आले होते. सर्वांनी तोंडाला काळे मास्क व हाताला लाल रिबन बांधून मोर्चात सहभागी होऊन प्रशासनाच्या निषेधार्थ आवाज उठवला. त्याचप्रमाणे, सिमेंट मिक्स धूळ आणि बांधकामाच्या धुळीमुळे प्रदूषण वाढले आहे, यावर कारवाईची मागणी केली गेली.

हे मोर्चे कोहिनूर कोर्टयार्ड वन सोसायटीपासून इंदिरा स्कूलमार्गे वाकडकर चौकात संपले. मोर्चात महिलांसह ज्येष्ठ नागरिक, लहान मुले यांचाही मोठा सहभाग होता. मोर्चाचे प्रमुख फलक होते – “नको धूळ- शुद्ध हवा आमचा हक्क”, “प्रशासन झोपले, नागरिक त्रासले”, “प्रशासनाने हवेतील विष कमी करावे” इत्यादी.

मूक मोर्चात नागरिकांनी जाहीरपणे स्वच्छ हवा मिळवण्यासाठी एकजुटीचे वचन घेतले. या मोर्चामुळे प्रदूषणाच्या वाढत्या पातळीवर नियंत्रण ठेवण्यासाठी प्रशासनाला तातडीने ठोस उपाययोजना करावी लागणार आहे, असे मोर्चाच्या आयोजकांनी सांगितले.

मुख्य मागण्या:

• पिंपरी-चिंचवड महापालिका, पीएमआरडीए, महाराष्ट्र प्रदूषण नियंत्रण मंडळ आणि स्थानिक लोकप्रतिनिधींना पाठवलेल्या तक्रारींच्या कोणत्याही ठोस कारवाईची दखल घेतली गेली नाही.
• सिमेंट मिक्स धुळीचा थर रस्त्यांवर, गाड्यांवर आणि घरांवर साचत असून नागरिकांचे जीवनमान ढासळत आहे.
• सिमेंट मिक्स धूळ त्वरित बंद करावी.
• प्रदूषणावर नियंत्रण ठेवण्यासाठी कडक नियम आणि उपाययोजना कराव्यात.
• वायू प्रदूषण पातळीची नियमित तपासणी करावी आणि अहवाल सार्वजनिक करावा.
• रस्त्यांची नियमित दोन वेळा साफसफाई करून धुळीचे प्रमाण कमी करावे.
• नियमांचे उल्लंघन करणाऱ्या वाहनांवर कठोर कारवाई व्हावी.
• रस्त्यांवरील झाडांची देखभाल करावी आणि त्यांना नियमितपणे पाणी द्यावे.

रहिवाशांनी मोर्चाचे नेतृत्व करत प्रशासनाच्या निषेधार्थ आवाज उठवला असून, यामुळे प्रदूषणावर नियंत्रण ठेवण्यासाठी वेगाने उपाययोजना करणे आवश्यक आहे. स्वच्छ व निरोगी वातावरणासाठी नागरिकांचे लढा सुरूच ठेवण्याचे ठरवले आहे.

The post IT Professionals and Citizens of Hinjewadi Raise Voice Against Air Pollution हिंजवडीतील श्वास घेणे अवघड; नागरिकांचा प्रदूषणविरोधी मोर्चा appeared first on Pimpri Chinchwad local news portal.

प्राधिकरणाने या प्रकल्पासाठी मेट्रो सवलतकार कंपनी पुणे आयटी सिटी मेट्रो रेल लि. सोबत एक सवलतकरारनामा केला आहे, ज्याच्या आधारे सर्व आवश्यक जागा मेट्रो प्रकल्पाच्या बांधकामासाठी उपलब्ध करून दिल्या आहेत. सध्या प्राधिकरणाने मेट्रो सवलतकार कंपनीस ९९.९४% जागा हस्तांतरित केली आहे आणि मेट्रो प्रकल्पाचे काम ८३% पूर्ण झाले आहे.

मेट्रो प्रकल्पासाठी आवश्यक असलेल्या जागांचा हस्तांतरणाचा मुद्दाही लवकर सोडवण्यात आले आहे. विशेषत: पुणे विद्यापीठाजवळील राजभवन, पुणे आवारातील २६३.७८ चौ.मी. जागेचा मुद्दा, जीना बांधकामासाठी आवश्यक होती, यावर राजभवन कार्यालयाने नोव्हेंबर २०२२ मध्ये मान्यता दिली आहे. त्यामुळे मेट्रो प्रकल्पासाठी आवश्यक असलेली १००% जागा प्राधिकरणाच्या ताब्यात आली आहे.

The post Key Milestones Achieved in Pune Metro Project, 100% Land Handed Over पुणे मेट्रो प्रकल्पाचे महत्त्वाचे टप्पे पूर्ण, १००% जागा हस्तांतरित appeared first on Pimpri Chinchwad local news portal.

विद्यार्थ्यांच्या अडचणींचा वाढता पगडा
सर्वत्र वाढलेली विजेची मागणी आणि तास न तास होणारा वीज तुटवडा विद्यार्थ्यांसाठी अधिक त्रासदायक ठरत आहे. परीक्षा काळात विजेचा उपयोग अधिक वाढलेला आहे, परंतु वीज पुरवठ्याचा जुना आणि असमर्थित यंत्रणा या अडचणीला कारणीभूत ठरत आहे. ज्यामुळे त्यांच्या अभ्यासावर गंभीर परिणाम होत आहे.

नवीन वीज यंत्रणा स्थापनेसाठी तातडीने उपाय आवश्यक
मारुंजी आणि परिसरात वाढलेली नागरिकसंख्या आणि अनधिकृत बांधकामे यामुळे वीज पुरवठा व्यवस्था गोंधळात सापडली आहे. सरकारी आणि खासगी बांधकामांच्या प्रचंड वाढीमुळे जुनी वीज पुरवठा यंत्रणा तितकी प्रभावी नाही. लोकसंख्येच्या वाढीप्रमाणे उच्च दर्जाच्या वीज वाहिन्या, रोहित्रे आणि डीपी बसवणं अत्यंत आवश्यक आहे. परंतु, या बदलांसाठी जागा उपलब्ध करणे एक मोठे आव्हान बनले आहे.

महावितरणकडून उपाययोजनांची आश्वासने
महावितरणच्या सहाय्यक अभियंता ज्ञानेश्वर डंपलवार यांनी सांगितले की, यंत्रणेवर वाढत्या भारामुळे विजेच्या तारांमध्ये अडचणी निर्माण झाल्या होत्या, आणि त्यामुळे ही समस्या आली. नवीन केबल टाकण्यात आली आहे, पण नागरिकांचा सहयोग मिळवण्यासाठी अजून प्रयत्न केले जात आहेत. तसेच, नवीन डीपी बसवण्याच्या विचाराधीन असलेल्या उपाययोजना प्रस्तावित केल्या आहेत, परंतु जागेची समस्या अजूनही कायम आहे.

नागरिकांची मागणी – ठोस उपाययोजना हवी
मारुंजीतील नागरिकांनी सांगितले की, थकीत वीजबिल सक्तीने वसुली करून प्रशासनाने जनतेला वीज पुरवठ्याच्या दृष्टीने वानावर सोडले आहे. त्यामुळे, वीज ग्राहकांच्या तक्रारींचा योग्यप्रकारे निवारण होणे आवश्यक आहे. वीज नियामक कायद्यानुसार नागरिकांना नुकसान भरपाई दिली जावी अशी त्यांची मागणी आहे.

मारुंजी आणि त्याच्या आसपासच्या परिसरात विजेच्या समस्येवर तातडीने ठोस उपाययोजना करणे अत्यंत आवश्यक आहे. दहावी-बारावीच्या विद्यार्थ्यांच्या परीक्षेचा काळ असल्याने या समस्येचे गांभीर्य अधिक आहे. प्रशासनाने त्वरित उपाययोजना सुरू करून नागरिकांचे आणि विद्यार्थ्यांचे जीवन अधिक सोयीस्कर बनवावे अशी अपेक्षा आहे.

The post Frequent Power Cuts in Marunji Cause Trouble for Students and Locals गेल्या चार दिवसांपासून मारुंजी परिसरात विजेचा तुटवडा, नागरिकांमध्ये असंतोष appeared first on Pimpri Chinchwad local news portal.

संपूर्ण मार्ग उन्नत, स्थानकांचे काम शिल्लक
माण-हिंजवडी ते शिवाजीनगर असा हा मेट्रो प्रकल्प पुणे-बंगळुरू महामार्ग आणि मुळा नदीवरून जातो. या मार्गावर बाणेर, सकाळनगर आणि सिव्हिल कोर्ट स्थानकांची कामे शिल्लक आहेत. त्याचबरोबर, विविध ठिकाणी जिने आणि अकरा स्थानकांचे महत्त्वाचे काम बाकी आहे. काम पूर्ण झाल्यावर मेट्रोची ‘ट्रायल रन’ घेण्यात येईल.

पीएमआरडीएचे ठेकेदारांना दंडात्मक इशारा, ऑक्टोबरपर्यंत काम पूर्ण होणार
प्रकल्पाच्या कामात दिरंगाई झाल्यामुळे पीएमआरडीएने ठेकेदाराला दंडात्मक कारवाईचा इशारा दिला आहे. ठेकेदाराला सहा महिन्यांची मुदतवाढ देण्यात आली आहे, आणि ऑक्टोबरपर्यंत प्रकल्प पूर्ण करण्याचे उद्दिष्ट ठेवले आहे. सध्या प्रकल्पाचे ८२ टक्के काम पूर्ण झाले आहे, आणि मेट्रोचे कोच तपासणी प्रक्रियेत आहेत.

मेट्रो प्रकल्पाच्या महत्त्वाचे टप्पे

• मेट्रोचे तीन कोच दाखल, एक मार्च अखेर दाखल होईल.
• बाणेर, सकाळनगर, आणि सिव्हिल कोर्ट स्थानकांची कामे शिल्लक.
• ट्रायल रननंतर मेट्रोचे सुरू होण्याचे उद्दिष्ट.

The post PMRDA Grants Extension to Contractor, Metro to Be Completed by October माण-हिंजवडी मेट्रोच्या उर्वरित कामासाठी सहा महिने अतिरिक्त मुदत appeared first on Pimpri Chinchwad local news portal.

न्यायालयाच्या स्थापनेची पार्श्वभूमी
सध्या पौड येथे दर महिन्याला १५ दिवस लिंक न्यायालय कार्यरत आहे. या न्यायालयाच्या कार्यक्षेत्रातील प्रलंबित प्रकरणांची संख्या आणि न्यायालय स्थापनेसाठी आवश्यक असलेल्या पायाभूत सुविधांची उपलब्धता या निकषांवरून उच्च न्यायालयाच्या न्यायालय स्थापना समितीने लिंक कोर्टऐवजी दिवाणी न्यायालयाची स्थापना करण्याची शिफारस केली होती. या शिफारसीला मंत्रिमंडळाने मान्यता दिली आहे.

न्यायालयासाठीची तरतूद
या नवीन न्यायालयासाठी १२ नियमित पदे आणि बाह्य यंत्रणेद्वारे घ्यावयाची ४ पदे मंजूर करण्यात आली आहेत. त्यासाठीच्या आर्थिक तरतुदीसाठी १ कोटी ६४ लाख ९ हजार ८५२ रुपयांची मंजुरी देण्यात आली आहे. या तरतुदीमध्ये मनुष्यबळांच्या सेवेसाठीचा खर्च समाविष्ट आहे.

नागरिकांसाठी मोठी सोय
या न्यायालयाच्या स्थापनेमुळे मुळशी तालुक्यातील पौड आणि इतर पोलीस ठाण्यातील प्रलंबित प्रकरणे जलद गतीने चालविणे सुलभ होणार आहे. नागरिकांसाठी व पक्षकारांसाठी मोठी सोय होऊन, या तालुक्यातील नागरिकांना जलदगतीने न्यायदान मिळण्यास मदत होईल.

मंत्रिमंडळाच्या बैठकीचे महत्त्व
या बैठकीच्या अध्यक्षस्थानी राज्याचे मुख्यमंत्री देवेंद्र फडणवीस होते. त्यांनी या निर्णयाचे महत्त्व सांगताना म्हटले, “न्यायालयाच्या स्थापनेमुळे नागरिकांना जलद न्याय मिळण्यास मदत होईल. हा निर्णय मुळशी तालुक्यातील लोकांच्या हिताचा आहे.”

पौड दारवलीत नवीन दिवाणी न्यायालयाची स्थापना हा मुळशी तालुक्यातील नागरिकांसाठी एक मोठा पाऊल आहे. यामुळे प्रलंबित प्रकरणे जलदगतीने निकाली काढणे शक्य होणार आहे आणि नागरिकांना न्यायाची गरज भागविण्यास मदत होणार आहे.

The post New Civil Court Established in Paud Darwadi, Pune District पौड दारवलीत नवीन दिवाणी न्यायालय, न्यायदान प्रक्रिया वेगवान होणार appeared first on Pimpri Chinchwad local news portal.