Congress March in Pimpri-Chinchwad – Demands Action for Basic Rights पिंपरी चिंचवड महानगरपालिकेवर काँग्रेसचा जोरदार मोर्चा

आज पिंपरी चिंचवड शहर काँग्रेस कमिटीच्या वतीने पिंपरी चिंचवड महानगरपालिकेवर जोरदार धरणे आंदोलन करण्यात आले. या आंदोलनाला महाराष्ट्र प्रदेश काँग्रेस कमिटीचे अध्यक्ष मा. श्री. हर्षवर्धन सकपाळ यांच्या आदेशानुसार सुरुवात करण्यात आली. आंदोलनाची सुरुवात सकाळी ११ वाजता भारतरत्न डॉ. बाबासाहेब आंबेडकर स्मारक येथून करण्यात आली, जिथून एक मोठा मोर्चा काढून पिंपरी चिंचवड महानगरपालिकेच्या गेटवर धरणे आंदोलन करण्यात आले.

आंदोलनाचे मुख्य कारण
काँग्रेसने आंदोलनाद्वारे महानगरपालिकेच्या भोंगळ कारभाराच्या विरोधात आवाज उठवला. या आंदोलनाचे मुख्य मुद्दे आरोग्य, पाणी, रस्ते, शैक्षणिक सुविधा आणि सुरक्षा यांसारखे मुलभूत हक्क आहेत. पिंपरी चिंचवड शहरातील नागरिकांच्या या सर्व मागण्या अनेक वेळा महापालिका प्रशासनासमोर मांडल्या गेल्या होत्या, मात्र यावर ठोस उत्तर मिळालेले नाही. त्यामुळे नागरिकांच्या समस्यांवर त्वरित कार्यवाही करण्याची मागणी काँग्रेसने केली.

अखिल भारतीय काँग्रेस कमिटीचे सचिव बी. एम. संदीप यांचे नेतृत्व
काँग्रेसच्या या मोर्चाचे नेतृत्व अखिल भारतीय काँग्रेस कमिटीचे सचिव मा. बी. एम. संदीप यांनी केले. त्यांनी या आंदोलनाच्या निमित्ताने महापालिका प्रशासनावर गंभीर आरोप केले. “पिंपरी चिंचवड महानगरपालिका आपल्या नागरिकांच्या मुलभूत गरजा पूर्ण करण्यात अपयशी ठरली आहे. आरोग्य, पाणी, रस्ते आणि शैक्षणिक सुविधांसाठी दररोज नागरिक प्रतीक्षेत आहेत,” अशी प्रतिक्रिया त्यांनी दिली.