Frequent Power Outages Trouble Chikhli Residents चिखलीत वारंवार वीजपुरवठा खंडित; नागरिक हैराण

चिखली: गेल्या काही दिवसांपासून चिखली परिसरात सतत वीजपुरवठा खंडित होत आहे. यामुळे नागरिक उकाड्याने त्रस्त आहेत, कारण वीज गेल्यावर ती पुन्हा येण्यासाठी आठ ते दहा तास किंवा त्याहून अधिक वेळ लागतो.

यामुळे शीतगृहांमधील दुग्धजन्य पदार्थ खराब होऊन व्यापाऱ्यांचे मोठे नुकसान होत आहे. तसेच, लहान उद्योगधंदेही वीज नसल्याने अडचणीत आले आहेत. वारंवार वीजपुरवठा खंडित होत असल्याने नागरिक महापालिका हद्दीत असूनही खेड्यासारखी परिस्थिती अनुभवत आहेत.

सामाजिक कार्यकर्ते बाळासाहेब मोरे यांनी आठवड्यातून चार ते पाच वेळा वीजपुरवठा खंडित होत असल्याचे सांगितले. यावर महावितरणचे कार्यकारी अभियंता अतुल देऊळकर यांनी सांगितले की, या समस्येची माहिती घेऊन उपाययोजना करण्यात येईल. नागरिकांनी पावसाळ्यापूर्वी केबल दुरुस्त करून वीजपुरवठा सुरळीत करण्याची मागणी केली आहे.