More than 200 Karsevaks honored in Pimpri Chinchwad पिंपरी चिंचवडमध्ये 200 हून अधिक कारसेवकांचा गौरव

More than 200 Karsevaks honored in Pimpri Chinchwad पिंपरी-चिंचवड शहर भाजप अध्यक्ष शंकर जगताप यांनी शहरातील 200 हून अधिक कारसेवकांचे स्वागत केले. अयोध्येत राममंदिर उभारण्याचे स्वप्न पूर्ण होत असल्याने कारसेवकांनी दिलेला संघर्ष, समर्पण आणि जीवनाचे बलिदान महत्त्वाचे आहे. त्यामुळे या कारसेवकांचा गौरव महत्त्वाचा असल्याचे शंकर जगताप यांनी सांगितले.

पिंपरी-चिंचवड शहर भाजपच्या वतीने 1990 ते 1992 दरम्यान श्री रामजन्मभूमी अयोध्येत गेलेल्या पिंपरी-चिंचवडमधील कारसेवकांचा कासारवाडी येथील श्री दत्त सेवा कुंज आश्रमात सत्कार कार्यक्रमाचे आयोजन करण्यात आले होते. विश्व हिंदू परिषदेचे अखिल भारतीय केंद्रीय सहमंत्री आणि सह-सत्संग प्रमुख महेंद्रदादा वेदक यांनी कार्यक्रमात 200 हून अधिक कारसेवकांचे स्वागत केले. यावेळी भाजपचे शहराध्यक्ष शंकर जगताप, राष्ट्रीय स्वयंसेवक संघाचे प्रकाश मिठाभाकरे, भाजपच्या ज्येष्ठ नेत्या प्रतिभा लोखंडे, डॉ.गिरीश आफळे, पालिकेतील माजी सत्ताधारी पक्षनेते नामदेव ढाके, माजी स्थायी समिती सभापती विलास मडिगेरी, पिंपरी विधानसभा निवडणुकीचे प्रमुख अमित पवार आदी उपस्थित होते. गोरखे, भाजप शहर विस्तारक नंदू कदम आदी मान्यवर उपस्थित होते.

महेंद्र वेदक म्हणाले, “भगवान श्री राम हे प्रयत्न आणि शौर्याचे प्रतीक आहेत. त्यांच्याकडून आम्हाला विश्वास आणि प्रेरणा मिळते. सर्वजण रामाचे आहेत आणि राम सर्वांचा आहे. आदर्श राजा, आदर्श पुरुष, प्रभू रामचंद्र हे आमचे श्वास आहेत. त्यांच्याशिवाय जीवन काहीच नाही. अयोध्येत राममंदिर उभारल्याचा हिंदूंसोबतच ७० टक्के मुस्लिमांनाही आनंद आहे. राम मंदिर पूर्ण होणे म्हणजे देशभरातील रामभक्तांच्या स्वप्नांची पूर्तता होय. हा संकल्प पूर्ण करण्यासाठी अनेकांनी बलिदान दिल्याचे ते म्हणाले.भाजपचे शहराध्यक्ष शंकर जगताप म्हणाले, “अयोध्येत राम मंदिराचे स्वप्न साकार होत आहे. जागतिक नेते पंतप्रधान नरेंद्र मोदी यांच्या कार्यकाळातील हा सुवर्ण क्षण असणार आहे. हिंदू समाजातील प्रत्येक व्यक्तीच्या जीवनातील हा आनंदाचा क्षण आहे. हा आनंद साजरा करण्यासाठी अनेक कारसेवकांनी आपल्या प्राणांची आहुती दिली आहे. त्या वेळी संघर्ष करणाऱ्या पिंपरी-चिंचवडच्या कारसेवकांचा सत्कार राम मंदिराच्या उभारणीचा आनंदाचा क्षण द्विगुणित करणारा आहे, असे ते म्हणाले.

भाजपचे शहर विस्तारक नंदू कदम यांनी शहरातील सर्व कारसेवकांना एकत्र करण्यासाठी परिश्रम घेतले. त्याबद्दल भाजपचे शहराध्यक्ष शंकर जगताप यांनी आभार मानले. यावेळी डॉ.गिरीश आफळे व डॉ.प्रतिभा लोखंडे यांनी कारसेवेतील अनुभव कथन केले. संचालन पिंपरी चिंचवड भाजपा विस्तार अधिकारी नंदू कदम यांनी केले. यावेळी समाजसेवक सर्वश्री रमेश काशीद, भाई जाधव, डॉ.देविदास शेलार, हनुमंत डुंबरे, भाजपा शहर सरचिटणीस सागर फुगे, राजू नागणे, अजय दुधभाते उपस्थित होते.