political Vision Needed for Planned Urban Development: Former Mayor Sanjog Waghere सुनियोजित शहरविकासासाठी राजकीय दूरदृष्टी हवी – माजी महापौर संजोग वाघेरे
olitical Vision Needed for Planned Urban Development: Former Mayor Sanjog Waghere सुनियोजित शहरविकासासाठी राजकीय दूरदृष्टी हवी – माजी महापौर संजोग वाघेरे
पिंपरी चिंचवड १४ मार्च: पिंपरी चिंचवड शहराच्या विकासासाठी सुनियोजित राजकीय दूरदृष्टी आवश्यक आहे, असे माजी महापौर संजोग वाघेरे यांनी म्हटले आहे. किमया कम्युनिकेशन्सने पिंपरी चिंचवड सायन्स पार्क येथे आयोजित केलेल्या परिसंवादात ते बोलत होते.
वाघेरे यांनी शहराच्या ऐतिहासिक विकासाबद्दल सांगितले की, पिंपरी चिंचवडचे शिल्पकार अण्णासाहेब मगर यांचे नेतृत्व आणि प्रा. रामकृष्ण मोरे यांची भूमिका अत्यंत महत्त्वपूर्ण होती. मात्र, सध्याच्या काळात राजकीय नेतृत्वामध्ये विकासात्मक दृष्टिकोनाचा अभाव आहे, ज्यामुळे शहराचा विकास हळू होतो आहे. ते म्हणाले, “राजकीय इच्छाशक्तीचा अभाव आणि प्रशासनाचा वाढता प्रभाव शहरविकासाच्या मार्गावर अडचणी निर्माण करतो.”
शहर विकासासाठी ‘नेक्स्ट व्हिजन’
किमया कम्युनिकेशन्सचे ब्रँड कन्सल्टंट जयंत शिंदे यांनी ‘नेक्स्ट व्हिजन’ या विषयावर आपले विचार मांडले. त्यांनी सांगितले की, शहराच्या सर्वांगीण विकासासाठी विविध क्षेत्रातील मान्यवरांचे विचार एकत्र करून एक “व्हिजन डॉक्युमेंट” तयार करणे आवश्यक आहे. तसेच, शहर विकासासाठी लोकप्रतिनिधींनी त्यांचा राजकीय दृष्टिकोन महत्त्वपूर्ण मांडवा, असे शिंदे म्हणाले.
शहराच्या सामाजिक दृष्टीकोनावर चर्चा
इंजि. देवेंद्र तायडे यांनी शहराच्या सामाजिक दृष्टीकोनावर चर्चा केली. ते म्हणाले, पिंपरी चिंचवड खऱ्या अर्थाने एक कॉस्मोपॉलिटन शहर आहे, जिथे सर्व जातीधर्माचे लोक एकत्र राहतात. पण शहरातील काही भागांमध्ये विकासाची तफावत आहे. “नाही रे” वर्गाला विचारात घेतूनच विकासाचे नियोजन करायला हवे, असे तायडे म्हणाले.
त्यांनी झोपडपट्टी पुनर्वसन प्रकल्पांचा मुद्दा उपस्थित केला आणि सांगितले की, या प्रकल्पांचे योग्य नियोजन झाल्यास गोरगरीबांना योग्य घर मिळू शकते. तसेच, शिक्षा आणि रोजगार संधी वाढवणे अत्यंत महत्त्वाचे आहे.
पायाभूत विकासावर भर
पिंपरी चिंचवड महानगरपालिकेचे निवृत्त अतिरिक्त आयुक्त प्रवीण तुपे यांनी पायाभूत विकास आणि संस्थात्मक विकासावर आपले विचार मांडले. ते म्हणाले, “शंक्षणिक संकुले, क्रीडांगणे, आणि दर्जेदार सुविधांची आवश्यकता आहे, जेणेकरून गुणवत्तेचे विद्यार्थी आणि खेळाडू तयार होतील.”
तुपे यांनी पाणी व्यवस्थापनावरही जोर दिला आणि सांगितले की, जल नियोजन आणि पाणी मीटर बसविण्याचा निर्णय समन्वयाने घेतला गेला आहे. “जल है तो कल है!” असे ते म्हणाले.
परिसंवादात शहरातील विविध राजकीय प्रतिनिधी, नगरसेवक आणि संस्थांचे प्रतिनिधी उपस्थित होते. सर्वांनी शहर विकासाच्या दृष्टीने विचार मांडले. प्रदीप म्हस्के यांनी प्रभावी सूत्रसंचालन केले.
