Rath Yatra Organized in Pimpri-Chinchwad on the Occasion of Lord Vishwakarma Jayanti प्रभू विश्वकर्मा जयंती महोत्सवानिमित्त पिंपरी-चिंचवडमध्ये रथ यात्रा
प्रभू विश्वकर्मा जयंती महोत्सवानिमित्त पिंपरी-चिंचवड शहरातील सामाजिक संस्था आणि सकल विश्वकर्मीय समाज बांधवांनी रथ यात्रेचे आयोजन केले आहे. या रथ यात्रेचा कार्यक्रम सोमवार, १० फेब्रुवारी रोजी सायंकाळी पाच वाजता होणार आहे. या यात्रेमध्ये वारकरी संप्रदायाच्या परंपरेनुसार जवळजवळ १५० वारकरी विद्यार्थी टाळ आणि मृदुंग वाजवत नामघोष करत सहभागी होणार आहेत. कार्यक्रमात भोसरी विधानसभा क्षेत्राचे आमदार महेश लांडगे, आमदार अमित गोरखे आणि पिंपरी विधानसभा क्षेत्राचे आमदार अण्णा बनसोडे उपस्थित राहणार आहेत.
