धान्य दुकानदारांकडून शिधापत्रिकाधारकांना आयुष्मान भारत योजनेचा लाभ घेण्याचे आवाहन केले जात आहे. या योजनेअंतर्गत गरजू व्यक्तींना आयुष्मान कार्ड काढून घ्यावे लागते. या कार्डाच्या माध्यमातून लाभार्थ्यांना वर्षाकाठी पाच लाख रुपयांपर्यंत उपचार घेता येतात. या योजनेत देशभरातील २९ हजारांहून जास्त रुग्णालयांमध्ये नागरिक कॅशलेस व पेपरलेस आरोग्य सुविधांचा लाभ घेऊ शकतात.

शहरातील रास्त भाव धान्य दुकानदारांनी योजनेचे कार्ड नागरिकांपर्यंत पोहोचवण्यासाठी पुढाकार घेतला आहे. आशा सेविकांच्या माध्यमातून हे कार्ड नागरिकांना दिले जात आहेत. दुकानदारांनी शिधापत्रिकाधारकांशी संपर्क साधून प्रत्येक कुटुंबातील सदस्याचे आधारकार्ड तपासून त्यांना हे कार्ड दिले जात आहे.

The post Ration Shopkeepers in Chikhli Take Initiative for Distribution of Ayushman Bharat Cards चिखलीत आयुष्मान भारत कार्ड वितरणासाठी रास्त भाव धान्य दुकानदारांचा पुढाकार appeared first on Pimpri Chinchwad local news portal.

रविवारी (ता. ९) सलग दुसऱ्या दिवशीही कुदळवाडी आणि जाधववाडी येथील अनधिकृत बांधकामे काढण्याची कारवाई सुरूच होती. आळंदी-देह रस्त्यावरील लक्ष्मी चौक ते मोई फाटा दरम्यानच्या रस्त्याला रहदारीसाठी बंद करण्यात आले होते. मात्र, शनिवारच्या कारवाईमुळे रविवारी काही अनधिकृत बांधकामे दुकानदारांनी स्वतःहून काढून घेण्यास सुरवात केली. पोलिस, अतिक्रमण विभाग आणि अग्निशामक दलाचे कर्मचारी कारवाईच्या ठिकाणी तळ ठोकून होते.

रविवार असल्याने रस्त्यावर वाहनांची संख्या कमी होती, पण अतिक्रमणे हटवताना विजेच्या तारांचा अडथळा येत होता. त्यामुळे महावितरण विभागाने सकाळपासून वीजपुरवठा खंडित ठेवला होता. यामुळे काही नोकरदार आणि शाळा-कॉलेजांना सुट्टी होती, पण घरांमध्ये असलेल्या नागरिकांना खंडित विजेचा त्रास सहन करावा लागला.

पोलिस कर्मचारी आणि महिला कर्मचारी दिवसभर उन्हात उभे राहून अतिक्रमण काढण्याचे काम करत होते. रस्त्याच्या दोन्ही बाजूंची दुकाने तोडली गेली होती, आणि यापुढेही काही दिवस अतिक्रमण काढण्याचे काम सुरू राहील, असे अधिकाऱ्यांनी सांगितले.

कारवाईच्या ठिकाणी अचानक गॅस गळती होत असल्याची माहिती मिळाल्यावर, अग्निशामक दलाचे जवान त्वरित घटनास्थळी पोहोचले. त्यांनी गॅस गळती थांबवून मोठा अनर्थ टाळला.

1. देहूकडून चिखलीमागे कुदळवाडीकडे येणाऱ्या वाहने:
   • या मार्गावरील वाहने चिखली चौकातून उजवीकडे वळून नेवाळेवस्ती-साने चौक- कृष्णानगर भाजी मंडई चौक- स्पाइन रोड मार्गे इच्छित स्थळी जातील.
2. मोशीकडून चिखलीमागे देहूकडे जाणाऱ्या वाहने:
   • या मार्गावरील वाहने रविरंजन वजनकाटा येथून डावीकडे वळून सिल्व्हर जिम आहेरवाडी चौक- छत्रपती शिवाजी महाराज चौक- जाधव सरकार चौक- स्पाइन रोड मार्गे इच्छित स्थळी जातील.
3. मोईकडून कुदळवाडीकडे जाणाऱ्या वाहने:
   • या मार्गावरील वाहने महिंद्रा अॅड महिंद्रा कंपनी- निघोजे- तळवडे ब्रिज मागे किंवा चिंबळी फाटा- नाशिक महामार्गाने इच्छित स्थळी जातील.
4. कुदळवाडी सर्कल (ब्रिजवरील व ब्रिजखालील बाजू)- मोरे पाटील चौक- डायमई चौक बाजूकडे जाणारी वाहने:
   • या मार्गावरील वाहने कुदळवाडी सर्कल-जाधव सरकार चौक किंवा कुदळवाडी सर्कल ते चेरीचौक मार्गे इच्छित स्थळी जातील.
5. आहेरवाडी चौक ते विसावा चौक ते चौधरी वजनकाटा या रस्त्यावरील वाहने:
   • या मार्गावरील वाहने आहरेवाडी चौक ते छत्रपती शिवाजी महाराज चौक ते जाधव सरकार चौक मागे इच्छित स्थळी जातील.
6. आळंदी-देहूकडे जाणाऱ्या सर्व प्रकारच्या वाहनांसाठी लक्ष्मी चौक ते डायमंड चौक दरम्यान प्रवेश बंदी:
   • या मार्गावरील वाहने लक्ष्मी चौकातून डावीकडे वळून शिवरस्त्याने इंजिनिअरिंग चौक (सीओपीई)- जाधववाडी मार्गे इच्छित स्थळी जातील.

The post Traffic on Kudalwadi Road Closed Until February 20 Alternate Routes Issued २० फेब्रुवारीपर्यंत कुदळवाडी मार्गावरील वाहतूक बंद पर्यायी मार्ग वापरण्याचे आदेश appeared first on Pimpri Chinchwad local news portal.

दोन दिवसांच्या कारवाईत सुमारे ६८ लाख ७८ हजार चौरस फूट क्षेत्रावरील ६०७ बांधकामांचा समावेश आहे. एकूण ८२९ बांधकामे पाडली गेली आहेत. यासाठी महापालिकेने अंतर्गत आणि प्रमुख रस्ते बंद केले होते, त्यामुळे वाहनचालकांना किमान दोन ते तीन किलोमीटर वळसा घालून जावे लागले.

महापालिकेच्या अतिक्रमण धडक कारवाई पथकात चार कार्यकारी अभियंते, १६ उपअभियंते, महाराष्ट्र सुरक्षा दलाचे १८० जवान, ६०० पोलिस आणि मजूर कर्मचारी सहभागी झाले. याशिवाय, १६ पोकलेन, आठ बुलडोझर, एक क्रेन आणि चार कटर यंत्रांचा वापर करण्यात आला. तसेच, अग्निशमन दलाची तीन वाहने आणि दोन रुग्णवाहिका तैनात करण्यात आल्या होत्या.

महापालिकेच्या या कारवाईत आयुक्त शेखर सिंह, अतिरिक्त आयुक्त प्रदीप जांभळे पाटील, शहर अभियंता मकरंद निकम, उपायुक्त मनोज लोणकर, क्षेत्रीय अधिकारी अजिंक्य येळे, कार्यकारी अभियंता सुनील बागवानी, पोलिस उपायुक्त स्वप्ना गोरे, आणि डॉ. शिवाजी पवार यांच्यासह संबंधित अधिकारी प्रत्यक्ष कारवाईच्या ठिकाणी उपस्थित होते.

The post Pimpri-Chinchwad Municipal Corporation’s crackdown on unauthorized constructions in Chikhli continues पिंपरी-चिंचवड महापालिकेची चिखलीत अनधिकृत बांधकामांवर कारवाई सुरूच appeared first on Pimpri Chinchwad local news portal.

वाढत्या आगीच्या घटनांच्या पार्श्वभूमीवर चिखली, कुदळवाडी परिसरातील भंगार दुकाने, गोदामे, हॉटेल, बेकरी आणि वर्कशॉप यांसह ५,००० अनधिकृत व्यावसायिक आस्थापनेला नोटिसा दिल्या गेल्या होत्या. तळवडे परिसर रेडझोनमध्ये आहे, आणि या परिसरातील औद्योगिक कंपन्या अनधिकृत आहेत. या भागात नवीन अनधिकृत बांधकामांवर कठोर कारवाई केली जात आहे.

आयुक्त सिंह म्हणाले, “अनधिकृत लघु उद्योगांमुळे प्रदूषण वाढत आहे, आणि या भागातील प्रदूषण कमी करण्यासाठी ही कारवाई आवश्यक आहे.”

The post Action Against Unauthorized Constructions in Chikhli, Kudalwadi to Begin चिखली, कुदळवाडीतील अनधिकृत बांधकामांवर कारवाई सुरू appeared first on Pimpri Chinchwad local news portal.