महाराष्ट्र केसरी स्पर्धा २०२५ची शानदार सुरुवात मातीपूजन सोहळ्याने झाली. यावेळी शिवाजीराव कर्डीले, अरुणकाका जगताप, रामदास तडस साहेब, पै. संदिप (आप्पा) भोंडवे, हिंद केसरी पै. योगेश दोडके यांच्या प्रमुख उपस्थितीत हा सोहळा पार पडला. महाराष्ट्राच्या कुस्तीच्या परंपरेला वंदन करत ह्या नव्या पर्वाला सुरुवात झाली आहे.

येत्या २९ जानेवारी ते २ फेब्रुवारी २०२५ रोजी ही महास्पर्धा अहिल्यानगरमधील वाडिया पार्क येथे पार पडणार आहे. महाराष्ट्रातील कुस्तीची परंपरा अनेक गुस्तीगीरांनी पुढे नेली त्याच पारंपरिक खेळाला पुन्हा एकदा नव्या जोमाने पुढे नेण्याचे काम अहिल्यानगरमधून होत असल्याचा अभिमान वाटतो. येत्या २९ जानेवारी ते २ फेब्रुवारी दरम्यान तमाम कुस्तीप्रेमींनी आणि अहिल्यानगरकरांनी महाराष्ट्र केसरी २०२५ स्पर्धेला अवश्य भेट द्यावी आणि हा थरार अनुभवावा.

आमदार संग्राम जगताप यांच्या प्रयत्नातून या ठिकाणी भव्य व दिव्य स्पर्धा पार परणार आहे. अहिल्यानगर जिल्हा कुस्तीगीर संघटनेच्या व महाराष्ट्र राज्य कुस्तीगीर संघटनेचे विद्यमान अध्यक्ष आदरणीय रामदास भाऊ तळस व आमच्या संपूर्ण टीमच्या प्रयत्नातून या ठिकाणी ही स्पर्धा झाली. राज्याचे मुख्यमंत्री माननीय देवेंद्रजी फडणवीस आणि माननीय उपमुख्यमंत्री अजितदादा पवार या दोघांनीही या स्पर्धेत येण्याचे मान्य केले असून हजारो स्पर्धक या स्पर्धेत सहभागी होणार आहेत. या स्पर्धेची कुस्तीगीर वर्षभर वाट पाहत असतात.

केंद्रीय राज्यमंत्री मुरलीधर मोहळ

The post Bhoomi Pujan of Ahilyanagar Maharashtra Kesari Wrestling Tournament अहिल्यानगर महाराष्ट्र केसरी कुस्ती स्पर्धेचा भूमिपूजन appeared first on Pimpri Chinchwad local news portal.

आळंदी शहरात भाजप कार्यकर्त्यांनी मुख्यमंत्री देवेंद्र फडणवीस यांचे जंगी स्वागत केले. इंद्रायणी नदीच्या स्वच्छतेसाठी सरकारकडून ठोस पावले उचलली जातील, असे आश्वासन त्यांनी माध्यमांशी बोलताना दिले आहे.

मुख्यमंत्री फडणवीस म्हणाले, इंद्रायणी प्रदूषित आहे. इंद्रायणीच्या स्वच्छतेचं काम चाललंय. आपण सगळ्यांनी लक्षात घेतलं पाहिजे. की इंद्रायणीची स्वच्छता हा एका दिवसाचा कार्यक्रम नाही. जवळजवळ सगळ्या शहरांचं, गावांचं आणि उद्योगाचं पाणी हे त्याठिकाणी जातं ते सगळं एकत्र करून ते सगळं शुद्ध करून आपल्याला शुद्ध पाणी इंद्रायणीत सोडायचं आहे. त्याचा कार्यक्रम आपण मागेच सुरू केलेला आहे. सगळ्या वेगवेगळ्या गावांना ग्रामपंचायतींना, नगरपालिकांना, महाराष्ट्र भविष्यातही पुढे जात राहील.
खरं म्हणजे पांडुरंगाच्या आशीर्वादानं एक मोठा विजय आम्हाला प्राप्त झाला आहे आणि त्यानंतर आळंदीला येण्याची संधी मिळाली. माउलींचा आशीर्वाद घेण्याची संधी मिळाली. मला असं वाटतं की प्रत्येकाकरिता हा क्षण अतिशय सुखाचा असतो. तो क्षण मला अनुभवायला मिळालेला आहे. खऱ्या अर्थानं ज्ञानेश्वर माउलींपासून तर जगद्गुरू तुकाराम महाराजांपर्यंत हा जो आमचा वारकरी विचार आहे. या विचाराने आपला महाराष्ट्र सातत्याने पुढे गेलाय आणि भविष्यातही पुढे जात राहील, असेही फडणवीस यांनी यावेळी सांगितले आहे.

याप्रसंगी केंद्रीय मंत्री मुरलीधर मोहोळ, मंत्री पंकजा मुंडे, विधान परिषद सभापती राम शिंदे, आमदार अमित गोरखे, शंकर जगताप, प्रमुख विश्वस्त ॲॅड. राजेंद्र उमाप, विश्वस्त योगी निरंजनाथ, डॉ. भावार्थ देखणे, शहराध्यक्ष किरण येळवंडे, माजी नगराध्यक्षा वैजयंता उमरगेकर, ह.भ.प. चैतन्य महाराज कबीरबुवा, संजय महाराज घुंडरे आदी मान्यवर उपस्थित होते.

The post abhishek Consecration of Mauli’s Samadhi by Devendra Fadnavis देवेंद्र फडणवीस यांच्याकडून माऊलींच्या समाधीचा अभिषेक appeared first on Pimpri Chinchwad local news portal.