काँग्रेसचे ज्येष्ठ नेते मिलिंद देवरा यांनी पक्षाचा राजीनामा देण्याची घोषणा केली आहे. या राजीनाम्याने त्यांचे आणि त्यांच्या कुटुंबाचे काँग्रेससोबतचे ५५ वर्षांचे नाते संपुष्टात आले. 14 जानेवारी रोजी ते महाराष्ट्राचे मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश करणार असल्याचे वृत्त आहे.

आपल्या राजीनाम्याची घोषणा करताना मिलिंद देवरा यांनी पोस्टमध्ये लिहिले,

“आज माझ्या राजकीय प्रवासातील एक महत्त्वाचा अध्याय संपत आहे. मी काँग्रेसच्या सदस्यत्वाचा राजीनामा दिला आहे. माझ्या कुटुंबाचे पक्षाशी असलेले 55 वर्षांचे नाते संपुष्टात आले आहे. मी सर्व नेते, सहकारी आणि कार्यकर्त्यांचा पक्षाला वर्षानुवर्षे अखंड पाठिंबा दिल्याबद्दल त्यांचा आभारी आहे.”

देवरा हे राहुल गांधींचे जवळचे मित्र मानले जातात. राहुल गांधींच्या भारत जोडो न्याय यात्रेच्या प्रारंभाच्या दिवशीच त्यांचा निर्णय आला आहे.

काही दिवसांपासून ते शिंदे गटाच्या संपर्कात असल्याच्या बातम्या येत होत्या.UBT गटात वाद!

काही दिवसांपूर्वी मिलिंद देवरा यांनी उद्धव ठाकरे यांच्या नेतृत्वाखालील शिवसेनेचे (यूबीटी) खासदार संजय राऊत यांच्या वक्तव्यावर नाराजी व्यक्त केली होती. तीच शिवसेना ज्याला काँग्रेसही पाठिंबा देते. तेव्हापासून देवरा पक्ष सोडतील अशी अटकळ जोर धरू लागली होती.

मिलिंद देवरा यांचे वडील मुरली देवरा यांनी चार वेळा दक्षिण मुंबईचे प्रतिनिधित्व केले आहे. ही जागा गेली अनेक वर्षे मुंबईत काँग्रेसचा बालेकिल्ला आहे. मिलिंद स्वतः या जागेवरून दोनदा खासदार झाले आहेत. सध्या ही जागा उद्धव ठाकरे यांच्या नेतृत्वाखालील शिवसेनेच्या गटात अरविंद सावंत यांच्या ताब्यात आहे.

संजय राऊत यांनी अलीकडेच सांगितले होते की त्यांचा पक्ष राज्यातील लोकसभेच्या 48 पैकी 23 जागा लढवण्यावर ठाम आहे – त्यापैकी चार मुंबई शहरात आणि दोन ठाण्यात आहेत. देवरा आणि संजय निरुपम यांसारख्या काँग्रेस नेत्यांनी यावर टीका करत यूबीटी गटाच्या मागण्या अतिरेक असल्याचे सांगितले.

दरम्यान, मिलिंदने संजय राऊत यांचा एक व्हिडिओ शेअर केला आहे ज्यामध्ये ते शिवसेना महाराष्ट्रातील सर्वात मोठा पक्ष असल्याचा दावा करत आहेत. देवरा यांनी लिहिले,

संजय राऊत यांच्या मते, आपल्या 40 आमदारांचा पराभव होऊनही, UBT गटातील शिवसेना हा महाराष्ट्रातील सर्वात मोठा पक्ष आहे. काँग्रेसने शून्य जागांवरून चर्चा सुरू करावी, अशी त्यांची सूचना आहे. महाराष्ट्र विधानसभेतील सर्वात मोठा विरोधी पक्ष असलेल्या आणि विरोधी पक्षाचे नेतृत्व करणाऱ्या पक्षाबद्दल ते बोलत आहेत. मला श्री संजय राऊत यांना सांगायचे आहे की महाराष्ट्रातील स्थानिक नेतृत्वाशी सल्लामसलत केल्याशिवाय कोणतीही युती पुढे जाऊ शकत नाही. या कल्पनेला एआयसीसीचाही पाठिंबा आणि पाठिंबा आहे.

त्यांना बाजू बदलण्याबाबत प्रश्न विचारला असता त्यांनी समर्थकांशी बोलत असल्याचे सांगितले. 

The post 55 वर्षे जुने नाते संपुष्टात आले! मिलिंद देवरा यांचा काँग्रेसचा राजीनामा, आता शिवसेनेत जाणार appeared first on Pimpri Chinchwad local news portal.

rahul kalate शिवसेनेचे पिंपरी चिंचवड महानगरपालिकेतील माजी गटनेते राहुल कलाटे यांनी रविवारी (तारीख 16 जुलै ला) मुख्यमंत्री एकनाथ शिंदे यांची भेट घेतली.
कलाटे यांच्या बरोबर चार माजी नगरसेवकांनी शिंदे यांच्या नेतृत्वाखाली काम करण्याचा निर्णय घेतला आहे.
आगामी काळात मुख्यमंत्री शिंदे व खासदार श्रीरंग बारणे यांच्याशी चर्चा करून लवकरच शहरात मेळावा घेण्यात येणार आहेत.

उद्धव ठाकरे गटातून गळती चालूच
एकनाथ शिंदे यांच्या बंडाला एक वर्ष उलटून गेलं तरीही ठाकरे गटातील पदाधिकारी व कार्यकर्त्यांची गळती काही उद्धव ठाकरे यांना रोखता आलेली नाही.
काही दिवसांपूर्वी मनीषा कायंदे, नीलम गोऱ्हे यांनी शिंदे गटात प्रवेश केला. मनीषा कायद्यांनी शिंदे गटात प्रवेश करतात त्यांच्यावर विश्वास दाखवत एकनाथ शिंदे यांनी त्यांच्यावर मोठी जबाबदारीही सोपवली.
त्यापूर्वी आदित्य ठाकरे यांचे निकटवर्तीय राहुल कनाल यांनीही शिवसेनेत प्रवेश केला. राहुल कनाल यांनीही शिंदे गटात प्रवेश करत आदित्य ठाकरेंवर निशाणा साधला होता.
आणि आज पिंपरी चिंचवड मधील शिवसेनेचे माजी गटनेते व उद्धव ठाकरे यांचे कट्टर समर्थक समजले जाणारे राहुल कलाटे यांनीही शिंदे घाटाचा रस्ता धरला आहे.

पिंपरी चिंचवड पोटनिवडणुकीत अपक्ष म्हणून लढणारे, एकेकाळचे उद्धव ठाकरे यांचे कट्टर समर्थक राहुल कलाटे यांनी शिंदे शिवसेनेत प्रवेश करणार आहेत.
आमदारकी लढवण्यासाठी पक्षाकडून तिकीट न मिळाल्याने कलाटे यांनी दोनदा अपक्ष म्हणून निवडणूक लढवली होती.

उद्धव ठाकरे यांना पिंपरी चिंचवडमध्ये कलाटे चांगली संधी दिली होती. त्यांना शिवसेनेकडून महानगरपालिकेत गटनेते म्हणून नेतृत्व करण्याची संधी देखील मिळाली होती.
मात्र राज्यात माहाविकास आघाडीची सत्ता आल्यानंतर त्यांनी शिवसेनेकडून आमदारकीची उमेदवारी मागितली होती. मात्र अजित पवार यांच्या खेळीने ती जागा राष्ट्रवादीला मिळाली होती. त्यामुळे कलाटे यांनी नाराज होऊन अपक्ष म्हणून अर्ज भरला होता. कलाटे यांनी घेतलेल्या मतांचा फटका राष्ट्रवादी काँग्रेस ला बसला होता.

कलाटे शिंदे सेनेत गेल्याने पिंपरी चिंचवडची राजकीय समीकरणं नक्कीच बदलणार आहेत. ज्या अजित पवार यांनी एकेकाळी पिंपरी चिंचवड महापालिकेवर एकहाती वर्चस्व गाजवलं, त्याच अजित पवार यांना कलाटे आता आव्हान देतील.

राहुल कलाटे यांच्या विषयी

• कलाटे कुटुंबीय 2001 च्या आधी काँग्रेसमध्ये होते.
• 2002 मध्ये राहुल कलाटे यांनी राष्ट्रवादी काँग्रेसच्या तिकिटावर महानगरपालिका निवडणूक लढवली होती. यात ते पराभूत झाले.
• 2014 च्या विधानसभेच्या विधानसभेत शिवसेनेच्या तिकिटावर निवडणूक लढवली होती त्यात त्यांना दुसऱ्या क्रमांकाची मत मिळाली.
• 2017 मध्ये पहिल्यांदा शिवसेनेकडून नगरसेवक झाले व शिवसेनेने त्यांच्यावर महापालिकेत शिवसेनेचे गटनेते तसेच शहराध्यक्ष अशी जबाबदारी सोपवली होती.
• 2019 च्या विधानसभेवेळी युती असताना देखील त्यांनी बंडखोरी केली होती.
  त्यावेळेस त्यांना राष्ट्रवादी काँग्रेस काँग्रेस आणि वंचित बहुजन आघाडी पक्ष या पक्षांचा पाठिंबा मिळाला होता.
  भाजपचे दिवंगत आमदार लक्ष्मण जगताप आणि विरोधात त्यावेळेस त्यांनी निवडणूक लढवली होती.
• दिवंगत आमदार लक्ष्मण जगतापांच्या निधनाने रिकाम्या झालेल्या विधानसभेच्या जागेसाठी झालेल्या निवडणुकीमध्ये महाविकास आघाडी मधून त्यांना बंडखोरी केली होती

The post rahul kalate राहुल कलाटे होणार शिंदे गटात सामील appeared first on Pimpri Chinchwad local news portal.

काल नागपूरच्या सभेत उद्धव ठाकरे यांनी देवेंद्र फडणवीस यांचा उल्लेख कलंक असा केला आणि वादाला सुरुवात झाली ठाकरे फडणवीस यांच्यामध्ये कलंकवाद पेटला.
भ्रष्टाचाराचे अनुरूप आरोप करणे. म्हणजे कलंकच ठाकरे यांचा पुन्हा फडणवीस वर निशाणा साधला.
तर ठाकरेंना मानसोपचार ची गरज म्हणत फडणवीस यांनी ठाकरेंवर निशाणा साधला.

काय म्हणाले उद्धव ठाकरे
देवेंद्र फडणवीस आपले माननीय उपमुख्यमंत्री, अरे काय हे तुमच्या नागपूरला कलंक आहे हा.
त्यांची हालत अशी झालीये सहनही होत नाही आणि सांगताही येत नाही.

कलंक हा शब्द कालपासून चांगला ट्रेंडिंगला आलेला आहे. जो तो येतो आणि कलंक या शब्दावर बोलत आहे.
याची सुरुवात केली उद्धव ठाकरे यांनी काल नागपूर येथील सभेत बोलताना.

निमित्त आहे ठाकरेंच्या विदर्भ दौऱ्याचं. काल ठाकरे नागपूर मध्ये सभेमध्ये बोलताना फडणवीस यांच्यावरती संधीसाधू राजकारणाचा आरोप करण्यासाठी.
देवेंद्र फडणवीस यांनी एबीपी माझा या चैनल वरील माझा कट्टा या कार्यक्रमात केलेल्या एका विधानाची व्हिडिओ क्लिप दाखवली.

काय म्हणाले फडणवीस या क्लिप मध्ये
आपण धर्म नाही, शाश्वत धर्म नाही, कुठला कुठलाही धर्म नाही.
एक वेळ रिकामे राहू. एक वेळ सत्तेशिवाय राहू. मला कोणीतरी विचारलं तुमचा विवाह होणार आहे का ? मी म्हटलं अविवाहित राहणं पसंत करेल. पण राष्ट्रवादीसोबत जाणार नाही नाही नाही नाही

उद्धव ठाकरे म्हणाले
नाही नाही नाही म्हणजे हो हो हो असा त्याचा अर्थ

काय म्हणाले देवेंद्र फडणवीस
आमचे आजचे विरोधक आणि माजी मित्र यांच्यावर आत्ताच्या राजकीय परिस्थितीचा फारच विपरीत परिणाम झाला आहे.
त्यामुळे कदाचित त्यांना मानसोपचार तज्ञांचा सल्ला घ्यावा लागेल.
मला या गोष्टीचं अत्यंत दुःख आहे. कदाचित त्यांना मानसोपचार तज्ञांचा सल्ला घ्यावा लागेल.
अशा मानसिकतेतून एखादा व्यक्ती जर बोलत असेल तर मला असं वाटतं की त्यावर रिएक्शन देणेही योग्य नाही.
ही एक मानसिक स्थिती आहे. त्यावर रिएक्शन न दिलेली बरी.

आज पुन्हा झालेल्या पत्रकार परिषदेत काय म्हणाले उद्धव ठाकरे
तुम्ही ज्या प्रकारे सगळ्यांना भ्रष्टाचाराचे आरोप करून कलंकित करत आहात आणि त्याच्यानंतर कलंकित करून बाजूला मांडीला मांडी लावून मंत्रिमंडळात स्थान देता तर त्या कुटुंबाने समाजात वापरायचं कसं एकदा तुम्ही त्यांच्या घरावर धाडी टाकतात सगळं काही त्यांच्या कलंकित करून टाकतात तो कलंक गिळून तुम्ही भले त्यांना मंत्री केलं तरी मग त्यांच्यावरचे आरोप खोटे होते का ? मग तुम्ही त्यांना भ्रष्टाचाराचा कलंका लावला म्हणजे माझा कलंक शब्द एवढा परिणामकारक असेल असं मला वाटलं नव्हतं

The post कलंकवाद पेटला appeared first on Pimpri Chinchwad local news portal.

सध्याच्या तापलेल्या राजकीय वातावरण आणि येऊ घातलेल्या निवडणुकांच्या पार्श्वभूमी वरती उद्धव ठाकरे यांनी महाराष्ट्र दौरा आखला आहे. महाराष्ट्र दौऱ्याची सुरुवात विदर्भातील दिग्रस या आमदार संजय राठोड यांच्या मतदारसंघातून केली आहे. दिग्रस येथील सभेत उद्धव ठाकरे यांनी सध्याच्या सरकारवर सडकून टीका केली आहे. उद्धव ठाकरे यांच्या विदर्भ दौऱ्यावर भाजप नेता सुधीर मुनगंटीवार यांनी जोरदार टीका केली.

काय म्हणाले सुधीर मुनगंटीवार

उद्धव साहेब तुम्हाला टाटा बाय बाय करून निघून गेले गणेश नाईक साहेब निघून गेले. नारायण राणे साहेब निघून गेले. एकनाथ शिंदे चाळीस आमदारांना निघून गेले. याचे कारण भाजप दोषी आहे का? याचं कारण तुमचा स्वभाव तसा आहे. की तुमच्यावर आज तुमच्या जवळचे जे तीस तीस वर्षे आहेत ते सुद्धा तुमच्यावर विश्वास ठेवायला तयार नाहीत. नीलमताई गोऱ्हे विश्वास ठेवायला तयार नाही. आणि मी तुम्हाला निश्चितपणे सांगतो ते शिल्लक आहेत तेही लोक संपर्कात आहेत. आमच्याकडे आता जागा नाहीये. आम्ही आता नवीन लोकांना घेऊ शकत नाहीत पण यांच्यासोबत राहायला कोणीही तयार नाही.

The post सुधीर मुनगंटीवार यांची उद्धव ठाकरे यांच्यावर टीका appeared first on Pimpri Chinchwad local news portal.

दिग्रस: सध्याच्या तापलेल्या राजकीय वातावरण आणि येऊ घातलेल्या निवडणुकांच्या पार्श्वभूमी वरती उद्धव ठाकरे यांनी महाराष्ट्र दौरा आखला आहे. महाराष्ट्र दौऱ्याची सुरुवात विदर्भातील दिग्रस या आमदार संजय राठोड यांच्या मतदारसंघातून केली आहे. दिग्रस येथील सभेत उद्धव ठाकरे यांनी सध्याच्या सरकारवर सडकून टीका केली आहे. उद्धव ठाकरे यांची दिग्रस सभा

सबका मालिक एक

मिंधे गट म्हणतात शिवसेना माझीच काल परवा जे राष्ट्रवादीतले गेले ते म्हणतात राष्ट्रवादी माझीच. पण त्यांचा मालिक एक आहे. सबका मालिक एक. या सगळ्या राजकीय पक्षांचा मालक एक. सबका मालिक एक. म्हणत नाव न घेता देवेंद्र फडणवीस यांच्यावर टीका केली

शेतकऱ्यांच्या वीज पंपाचे बिल माफ केलं पाहिजे
उद्धव साहेब मुख्यमंत्री असताना त्याना देवेंद्र फडणवीस यांची क्लिप ऐकवली होती. ते मध्य प्रदेश मध्ये जाऊन म्हणाले होते मध्यप्रदेश सरकार प्रमाणे महाराष्ट्रसरकानेही शेतकऱ्यांच्या वीज पंपाचे बिल माफ केलं पाहिजे. आता देवेंद्र फडणवीस यांचं सरकार आहे व केंद्रातही तुमचं सरकार आहे. तुम्हीं असं आता महाराष्ट्रात कराव. हे सरकार एवढे मजबूत आहे केंद्रात सुद्धा तुमच्या सरकार आहे तर तुम्ही शेतकऱ्यांचे बिल का माफ करत नाहीये.

एक फुल दोन हाफ

यावर बोलताना ठाकरे म्हणाले आज तुम्ही सरकारमध्ये एक फुल दोन हाफ आहात मुख्यमंत्री अर्धा की एक पूर्ण आहे याची कल्पना नाही. दोन-दोन उपमुख्यमंत्री आहेत.आमच्या तिघांचं सरकार होतं ते तीन चाकांचा सरकार होतं. त्यांचं झालं की लगेच त्रिशूल झालं.आणखीन उद्या कोणाला आणखीन काही होणार आहे कल्पना नाही.

पूर्वी सरकार मतदान पेटीतून जन्माला यायचं आता खोक्यातून जन्माला येतं

आता असं झालेला आहे तुम्ही मत कोणालाही द्या पण सरकार माझंच येणार पूर्वी सरकार मतदान पेटीतून जन्माला यायचं आता खोक्यातून जन्माला येतं. खोके गेली की सरकार आलं. आता समान नागरिक कायद्याची चर्चा सुरू झाली आहे.

पण एक देश आणि एक पक्ष हे आम्ही कदापि मान्य करणार नाही.

एक देश आणि एक कायदा आम्हाला मान्य आहे. पण एक देश आणि एक पक्ष हे आम्ही कदापि मान्य करणार नाही. अजिबात करणार नाही.

The post उद्धव ठाकरे यांची दिग्रस सभा appeared first on Pimpri Chinchwad local news portal.

दिग्रस: त्यांच्या दौऱ्याची सुरुवात आज विदर्भ दौऱ्याने होत आहे.विदर्भामध्ये पक्ष संघटना अजून मजबूत करण्यासाठी हा दौरा आखला आहे. उद्धव ठाकरे आजपासून दोन दिवस विदर्भ दौऱ्यावर आहेत. आज पहिल्या टप्प्यामध्ये ते यवतमाळ येथे असून त्यांनी पोहरादेवीचे दर्शन घेत दौऱ्याला सुरावात केली. उद्धव ठाकरे यांचा विदर्भ दौरा…

ते संजय राठोड यांचा बालेकिल्ला असणाऱ्या दिग्रस महेश कृषी उत्पन्न बाजार समितीत सभा घेतली. त्याआधी ते यवतमाळ आणि वाशिम च्या कार्यकर्ते व पदाधिकाऱ्यांशी चर्चा करतील. आगामी निवडणुकीच्या दृष्टीने कार्यकर्त्यांना मार्गदर्शन करणार आहेत. दिग्रज च्या सभेनंतर उद्धव ठाकरे अमरावतीला जाणार आहेत.

दरम्यान बंजारा समाजाची काशी असलेल्या वाशिम जिल्ह्यातील पोहरादेवी येथून उद्धव ठाकरे यांच्या दौऱयाची सुरुवात होत आहे. पक्षात पडलेल्या उभ्या फुटीनंतर आणि मुख्यमंत्रीपद गेल्यानंतर उद्धव ठाकरे पहिल्यांदाच पोहरादेवी येथे येत आहेत.आमदार संजय राठोड आणि खासदार भावना गवळी यांच्या मतदारसंघात उद्धव ठाकरे आज भेट घेणार आहेत. राज्यामध्ये बंजारा समाजाची असलेली मतदार संख्या आणि बंजारा समाजात पोहरादेवीच्या असलेल्या अनन्य साधारण महत्त्वामुळे उद्धव ठाकरे यांच्या या दौऱ्याला महत्त्व प्राप्त झाला आहे. आज दोन वाजता उद्धव ठाकरे पोहरादेवी येथे पोहोचतील तिथे दर्शन घेतल्यानंतर ते बंजारा समाजाच्या धर्मगुरूंना भेटतील.

श्रीक्षेत्र पोहरादेवी येथे आज बंजारा समाजातर्फे पक्षप्रमुख उद्धवसाहेब ठाकरे ह्यांचा सत्कार करण्यात आला. ह्यावेळी स्वाभिमानाची निशाणी म्हणून चांदीचा कडा देऊन स्थानिकांनी प्रेम व्यक्त केले.

The post उद्धव ठाकरे यांचा विदर्भ दौरा appeared first on Pimpri Chinchwad local news portal.