Women’s Self-Help Groups to Distribute Service Tax Bills to Slum Dwellers in Pimpri-Chinchwad पिंपरी चिंचवड शहरातील झोपडपट्टी वासीयांना महिला बचत गटांमार्फत सेवा कराचे बिले वितरण
69 Complaints Raised by Citizens in Municipal Dialogue Meetings पालिकेच्या संवाद सभेत नागरिकांनी मांडलेल्या ६९ तक्रारी
पिंपरी चिंचवड, 8 मार्च: पिंपरी चिंचवड शहरातील झोपडपट्टी वासियांच्या सेवाकर बीलांचे वितरण आणि झोपडपट्टी वासियांचे सर्वेक्षण महिला बचत गटांच्या माध्यमातून करण्यात येणार आहे. हे कार्य राष्ट्रीय नागरी उपजिविका अभियानांतर्गत ‘सारथी सोनचीरैया’ उपजिविका केंद्राच्या महिला बचत गटांच्या प्रतिनिधींमार्फत केले जाणार आहे. या उपक्रमात झोपडपट्टयांमधील नागरिकांना सहकार्य करण्याचे आवाहन पिंपरी चिंचवड महानगरपालिकेचे आयुक्त शेखर सिंह यांनी केले आहे.
महिला सक्षमीकरणासाठी सुरू केलेला सिद्धी प्रकल्प या उपक्रमाच्या माध्यमातून महिलांना रोजगार उपलब्ध करेल. तसेच, महिलांच्या आर्थिक साक्षरतेसाठी हे एक महत्त्वाचे पाऊल ठरणार आहे. झोपडपट्टी वासियांच्या सर्वेक्षणासाठी येणाऱ्या महिला बचत गटांच्या प्रतिनिधींना नागरिकांचे सहकार्य मिळवणे महत्त्वाचे आहे.
झोपडपट्ट्यांचे सर्वेक्षण: पिंपरी चिंचवड शहरात २००२ मध्ये झालेल्या सर्वेक्षणानुसार एकूण ७१ झोपडपट्टया आहेत. त्यात ५५ झोपडपट्टयांमध्ये सेवाकराची बीलं दिली जातात. पण, सेवाशुल्क भरण्याबाबत नागरिकांची उदासीनता दिसून येते. यासाठी महिला बचत गटांच्या प्रतिनिधींना ऑनलाईन अॅप द्वारे सर्वेक्षण करून नागरिकांची जागरूकता वाढवायची आहे.
सर्वेक्षणाच्या पहिल्या टप्प्यातील बिल वितरण: सर्वेक्षणाच्या पहिल्या टप्प्यात २३,७७८ बिलांचे वितरण महिला बचत गटांच्या मार्फत केले जाणार आहे. याव्यतिरिक्त, जे झोपडीधारकांचे नोंदणी नाहीत, किंवा त्यांना सेवाशुल्क बिल मिळत नाही, अशा नागरिकांची नोंदणी महिलांच्या माध्यमातून केली जाईल. आयुक्त शेखर सिंह यांनी महिलांना सहकार्य करण्याचे आवाहन केले आहे.
ऑनलाइन माहिती संकलन: सर्वेक्षण करणाऱ्या महिलांना ओळखपत्र देण्यात आले आहे, आणि महानगरपालिकेचे अधिकारी व कर्मचारी देखील यासाठी नियुक्त केले आहेत. महिलांना ऑनलाइन पद्धतीने माहिती संकलनाचे काम करणे, तसेच सेवाशुल्क बिलांचे वितरण करणे अपेक्षित आहे.
झोपडपट्टी वासीयांनी यासाठी महिला बचत गटांच्या प्रतिनिधींना आवश्यक सहकार्य करावे, असे आवाहन झोपडपट्टी निर्मुलन विभागाचे उपआयुक्त अण्णा बोदडे यांनी केले आहे.
