छगन भुजबळ यांचा पराभव करणार – संजय राऊत
भुजबळ यांचा पराभव करणार
संजय राऊत सध्या पंढरपूर दौऱ्यावर आहेत. आज सकाळी त्यांनी पत्रकार परिषद घेत काही मुद्द्यांवर भाष्य केले.
संजय राऊत सध्या पंढरपूर दौऱ्यावर आहेत. आज सकाळी त्यांनी पत्रकार परिषद घेत काही मुद्द्यांवर भाष्य केले.
अजित पवार यांनी राष्ट्रवादीमध्ये बंड करत शिवसेना भाजप युती मध्ये सामील झाले. अजित पवार यांनी ज्यावेळेस उपमुख्यमंत्री पदाची शपथ घेतली त्यांच्याबरोबरच छगन भुजबळ यांनीही मंत्रीपदाची शपथ घेतली होती. अजित पवार गटाच्या बंडाच्या विरोधात रणशिंग फुंकत आज शरद पवार आपली पहिली सभा छगन भुजबळ यांच्या मतदारसंघात घेणार आहेत. शरद पवार यांची आज नाशिकमधील येवला या मतदारसंघात सभा आहे. येवला मतदारसंघाने छगन भुजबळ यांना सलग चार वेळा निवडून दिले आहे.
काय म्हणाले संजय राऊत
मी शरद पवार यांना अजित पवार यांच्या पेक्षा जास्त ओळखतो. शरद पवार आणि बाळासाहेब ठाकरे यांनी कधी राजकीय संकटांची पर्वा केली नाही. मी बाळासाहेब ठाकरे यांच्याबरोबर सर्वाधिक जास्त काम केलेला माणूस आहे. पवार साहेबांचे संपूर्ण कार्य जवळून पाहत पाहिलेला माणूस आहे. शरद पवार हे आपलं जे ध्येय असतं ते प्राप्त करतात.
आज पवार साहेबांचा नाशिकमध्ये दौरा आहे. लोकांमध्ये प्रचंड उत्साह आहे. येवल्यामध्ये सुद्धा हजारो शिवसैनिक त्यांचं स्वागत करणार आहेत. येवल्यामध्ये या वेळेलाआम्ही छगन भुजबळ यांचा पराभव करणार, पांडुरंगाच्या या दारात सांगतो आहे. या वेळेला येवल्याचा आमदार हा शिवसेनेचा असेल. भुजबळ विधानसभेत नसणार. आम्ही त्यांचा पराभव करून दाखवला आहे. मुंबईत आमदारकीला आणि नाशिकला खासदारकीला त्यांचा पराभव आम्ही केलेला आहे.
