मार्गाचे महत्त्व
पीसीएमसीच्या अधिकाऱ्यांनी सांगितले की हा मार्ग कसारवाडी, फुगेवाडी आणि दापोडी या भागांना जोडेल. या विभागातील दररोजची वाहतूक खूपच तीव्र असल्याने, हा नवीन रस्ता स्थानिक रहिवाशांसाठी आणि ऑफिसला जाणाऱ्या व्यक्तींसाठी मोठा लाभदायक ठरणार आहे. १८ मीटर रुंदीचा, डिपी आरक्षणातील हा रस्ता नाशिक फाटा ते दापोडी ब्रिजपर्यंत पूर्ण होणार असून, यासाठी प्रशासकीय मंजुरी मिळाली आहे.

प्रशासनाची त्वरित पावले
नगर प्रशासनाने यासाठी तांत्रिक व आर्थिक मूल्यांकनानंतर सवराज इंजिनियरिंग कन्सल्टन्सी या कंपनीचा निवड केली आहे. या कंपनीला डीपीआर आणि टेंडर डॉक्युमेंट्स तयार करणे, तसेच सल्ला देणे यासाठी एकूण प्रोजेक्टच्या किमतीच्या १.६८% फी मिळणार आहे. काही विभागात जमीन संपादनाचे काम सुरु असून, हिराबाई लांडगे चाळ ते दापोडी हारिस ब्रिजपर्यंत रस्ता आधीच बनवण्यात आला आहे. नागरिकांचे जीवन अधिक सुलभ आणि प्रवासाचा वेळ कमी होण्याकडे लक्ष दिले जात आहे.​

जमीन संपादन आणि पुढचे टप्पे
फुगेवाडी स्मशानभूमी आणि आसपासच्या काही भागांचे जमीन संपादन प्रक्रिया अद्याप सुरु आहे. ज्या भागात जमीन मिळेल तिथे लगेच रस्त्याचे बांधकाम सुरु केले जाणार आहे. सर्व प्रक्रिया पूर्ण झाल्यानंतर नागरी भागात वाहतूक वेगवान आणि अधिक सोयीस्कर होईल, असा अंदाज वर्तवला जातो.

The post PCMC Approves New Kasarwadi-Dapodi Road पिंपरी चिंचवड कसारवाडी–दापोडी नवीन मार्गाला मंजुरी वाहतूक कोंडी सुटणार appeared first on Pimpri Chinchwad local news portal.

फिरोज इर्शाद शेख (५७, रा. दापोडी) यांनी याप्रकरणी दापोडी पोलिस ठाण्यात फिर्याद दिली आहे. त्यानुसार, नुमान अख्तर खान (२३), सिपटेन कय्युम खान (१९) आणि मुजफ्फर सलीम कुरेशी (१९, तिघे रा. दापोडी) यांच्या विरोधात पोलिसांनी गुन्हा दाखल केला आहे.

फिर्यादी शेख हे रिक्षाचालक आहेत. शनिवारी रात्री त्यांनी आपल्या रिक्षा पवारवस्तीत घराजवळ पार्क केली होती. रात्रीच्या वेळी संशयितांनी शेख यांच्या रिक्षाची तोडफोड केली. याशिवाय, रवीकुमार वेणू गोपाल यांच्याही रिक्षाची आणि परिसरातील काही दुचाकी वाहनांचीही तोडफोड केली. संशयितांनी कोयता हवेत फिरवून दहशत निर्माण केली.

The post Police File Case Against Three Suspects for Vehicle Vandalism in Dapodi दापोडीत रिक्षा आणि दुचाकी तोडफोड प्रकरणी गुन्हा दाखल appeared first on Pimpri Chinchwad local news portal.

यासाठी जलवाहिनी १,000 मिलिमीटर व्यासाची असणार आहे, तर अंतर्गत जलवाहिनी 600 मिलिमीटर व्यासाची असेल. हे काम टप्या-टप्याने केले जाईल, जेणेकरून वाहतूक कोंडी होणार नाही, असे अधिकार्यांनी सांगितले. जलशुद्धीकरण केंद्रापासून संत बसवेश्वर महाराज पुतळ्यापर्यंत या कामाचा विस्तार आहे.

निगडी येथील भक्ती-शक्ती समूह शिल्प चौकापासून सर्व्हिस रस्त्याने जलवाहिनी बीआरटी मार्गात टाकली जाईल. यामुळे बीआरटी मार्ग काही काळ बंद राहील. या जलवाहिनीतून दापोडी येथील पाण्याच्या टाकीपर्यंत पाणी पोहोचवले जाईल.

पिंपरी-चिंचवड शहराच्या शेवटच्या टोकातील दापोडी, सांगवी, आणि फुगेवाडी भागांना पुरेसे पाणी मिळेल. या कामामुळे या परिसरांतील लोकवस्तीला पाणी मिळणार असून, घरप्रकल्पांना पुरेसे पाणी मिळवण्यासाठी महापालिका ही जलवाहिनी टाकत आहे.

या भूमिगत जलवाहिनीच्या प्रकल्पासाठी ५२ कोटी ४२ लाख ३ हजार ७५१ रुपयांचा खर्च अपेक्षित आहे. कामाची मुदत दीड वर्ष असून, त्यानंतर दापोडी आणि सांगवी भागांतील गृहप्रकल्पांसाठी पाणी पुरवठा सुरळीत होईल.

The post New Housing Projects in Dapodi and Sangvi to Get Adequate Water Supply दापोडी व सांगवीतील नव्या गृहप्रकल्पांना मिळणार पुरेसा पाणीपुरवठा appeared first on Pimpri Chinchwad local news portal.