No water in your area? Complain here तुमच्या भागात पाणी नाही? या ठिकाणी तक्रार करा
No water in your area? Complain here तुमच्या भागात पाणी नाही? या ठिकाणी तक्रार करा
पिंपरी-चिंचवड आणि पुणे महानगर प्रदेश विकास प्राधिकरण (पीएमआरडीए) हद्दीतील पाणीटंचाईच्या तक्रारी सोडवण्यासाठी दर महिन्याला स्वतंत्र बैठका घेण्याचा निर्णय घेण्यात आला आहे. या बैठकीत तक्रारींचे निराकरण करण्यासाठी केलेल्या उपाययोजनांचा अहवाल मुंबई उच्च न्यायालयात सादर केला जाणार आहे.
शहरातील पाणीटंचाई लक्षात घेऊन शहरातील विविध स्वयंसेवी संस्थांनी मुंबई उच्च न्यायालयात याचिका दाखल केल्या आहेत. त्यावर सुनावणी करताना न्यायालयाने पुणे, पिंपरी-चिंचवड महापालिका, पीएमआरडीए, जिल्हाधिकारी कार्यालय आणि विभागीय आयुक्त कार्यालयाला विशेष समिती स्थापन करण्याचे निर्देश दिले होते. याअंतर्गत काही दिवसांपूर्वी विभागीय आयुक्तांच्या अध्यक्षतेखाली बैठक झाली. नागरिक प्रतिनिधींसोबत द्वैमासिक बैठका घेण्याचे ठरले. त्याअंतर्गत गुरुवारी ही बैठक झाली.
24 तासात 5 दरोडेखोरांना अटक, दागिने आणि रोकड जप्त
पुणे महापालिकेच्या पाणीपुरवठा विभागाचे मुख्य अभियंता नंदकिशोर जगताप, वरिष्ठ अभियंते इंद्रभान रणदिवे आणि प्रसन्न जोशी, पिंपरी-चिंचवड पालिकेचे अतिरिक्त आयुक्त प्रदीप जांभळे-पाटील, पाणीपुरवठा विभागाचे मुख्य अभियंता एस. एस. सावने, पीएमआरडीए सहआयुक्त पूनम मेहता, सल्लागार के सत्या मुळ्ये, पुष्कर कुलकर्णी, मंदार कुलकर्णी, डॉ. प्रीती काळे या बैठकीला उपस्थित होते. तक्रारींना उत्तम प्रतिसाद देऊन ठोस पावले उचलण्यासाठी आराखडा तयार करण्यात येत असून त्याची प्रभावीपणे अंमलबजावणी करण्याची मागणी या बैठकीत करण्यात आली.
भोसरीत शिवपुत्र संभाजी महानाट्य : डॉ.अमोल कोल्हे यांची निवडणूक रणनीती
पाणीटंचाईच्या तक्रारी सोडवण्यासाठी पुणे आणि पिंपरी-चिंचवड महापालिकेत दर महिन्याला स्वतंत्र बैठका घेण्यात येणार आहेत. तसेच दर दोन महिन्यांनी विभागीय आयुक्तांच्या अध्यक्षतेखाली बैठक होणार आहे. तक्रारी नोंदवण्यासाठी पुणे, पिंपरी-चिंचवड महापालिका आणि पीएमआरडीएकडून स्वतंत्र यंत्रणा कार्यान्वित करण्यात आली आहे. त्यानुसार बैठकीत काय पावले उचलली याचा अहवाल मुंबई उच्च न्यायालयात सादर केला जाणार आहे.
पुणे आणि पिंपरी-चिंचवड महापालिका हद्दीतील पाणी टंचाईबाबत नागरिक अनुक्रमे Waterpil126punecorporation.org Am¡a Waterpcmcindia.gov.in वर तक्रारी करू शकतात. पुणे आणि पिंपरी-चिंचवड महापालिकांनुसार पीएमआरडीएलाही स्वतंत्र यंत्रणा कार्यान्वित करण्याचे निर्देश दिले आहेत.
