Memorandum to CM Fadnavis to permanently close Somatane Phata toll plaza सोमाटणे फाटा टोलनाका कायमचा बंद करावा यासाठी मुख्यमंत्री फडणवीसांना निवेदन

वडगाव मावळ, माहिती अधिकार कार्यकर्ते आणि माजी नगरसेवक अरुण माने यांनी मुख्यमंत्री देवेंद्र फडणवीस यांनी सोमाटणे फाटा येथील टोल नाका बंद करण्याची मागणी करणारे एक निवेदन मुख्यमंत्री देवेंद्र फडणवीस यांच्याकडे सादर केले आहे. या निवेदनाच्या प्रती उपमुख्यमंत्री अजित पवार, उपमुख्यमंत्री एकनाथ शिंदे, सार्वजनिक बांधकाम विभाग, महाराष्ट्र राज्य रस्ते विकास महामंडळ आणि जिल्हाधिकारी पुणे यांना पाठवण्यात आल्या आहेत.

वाकडमध्ये भरधाव वेगाने जाणाऱ्या डंपरची कारला धडक

निवेदनात म्हटले आहे की, “सोमाटणे फाटा येथील टोल नाक्यावर मिळणाऱ्या पावतीवर देहूरोड असे छापले जाते. या टोलनाक्यामुळे ट्राफिक जॅम होत आहे. दोन टोलनाक्यांमधील अंतर ६० किलोमीटर असायला हवे असा नियम असताना वरसोली व सोमाटणे या ३२ किलोमीटरच्या अंतरात दोन टोलनाके कसे? 

तांबोळी समाजातर्फे वधू-वर मेळावा

टोल वसूल करीत असताना स्थानिक गावकऱ्यांसाठी सर्विस रोडची आवश्‍यकता असते. याठिकाणी सर्विस रोड नाही. रुग्णवाहिका जाण्यासाठी स्वतंत्र सोय नाही. लोणावळ्यापासून ते निगडी पर्यंत चार पदरी रस्ता आहे व गेल्या अनेक वर्षांपासून टोल वसुली होत आहे. ही वसुली केव्हाच पूर्ण झाली आहे, तरीही दुरुस्तीच्या नावाखाली मुदतवाढ दिली जाते.

इयत्ता 10 च्या विद्यार्थ्यांसाठी मार्गदर्शन सत्राचे आयोजन

आमदार सुनील शेलके यांनी अधिवेशनादरम्यान टोल प्लाझा बंद करण्याचा मुद्दा उपस्थित केला होता. २०२२-२३ मध्ये, स्थानिक रहिवाशांनी आणि दिवंगत किशोर आव्हाड यांनी टोल प्लाझा बंद करण्याची मागणी करत उपोषण केले. त्या वेळी, सार्वजनिक बांधकाम विभागाने आश्वासन दिले की टोल प्लाझा बंद केले जातील. मावळच्या तहसीलदारांनी सरकारला एक लेखी पत्र दिले की टोल प्लाझा बेकायदेशीर आहे. तरीही, टोलनाका पद्धतशीरपणे चालू आहे. “आपण तात्काळ कारवाई करून जनतेला या जिझिया कर आणि वाहतूक कोंडीपासून मुक्त करावे,” असे विधानात म्हटले आहे.

 हळदीच्या कार्यक्रमात दागिन्यांची चोरी